Tuesday, 20 September 2016

आरक्षणाचे उडते घोडे

सूर्याचे असते का कधी आरक्षण
सगळ्यांना प्रकाश देताना
झाडे करतात कधी
वाटसरूंना सावली देताना
सोशल मीडिया वर असते का
एकमेकांचे मित्र बनताना 
सीमेवरील जवानांमध्ये असते का
धैर्याने शत्रूशी लढताना 
रानात पेटलेल्या वणव्यामध्ये असते का
मार्गी येईल ते भक्षण करताना 
पुराचे पाणी करते का कमी अधिक  
भोवतालचे वाहून नेताना 

मग आपण का बाळगली आहे
ही आरक्षणाची अडगळ 
मानवी जीवन जगताना?

कशाला पाहिजे हा जातीचा शिक्का 
जिथे तिथे प्रवेश आणि बढती देताना 
प्रगतीची गाडी किती अडखळते 
हे आरक्षणाचे खड्डे ओलांडताना 

आर्थिक बाबींवरच असावे आरक्षण 
देशाची प्रगती साधताना 
होईल का सुधारणा कोणा सरकारकडून 
सत्तेचे अवघड सुकाणू हाकताना 

बघुयात कोण घालतय लगाम 
या बेफाम घोडयांना 






No comments:

Post a Comment